Eusko Ikaskuntzak sortu eta garatutako GizarteLAB gizarte laborategiko tailerren beste ziklo bat hasi zen Laudion azaroaren 20an.
GizarteLAB programaren helburua hiritarrak gaitu eta ahalduntzea da, demografia eta ekologia erronkei erantzun desberdin eta berritzaileak emateko beharrezko trantsiziorako oraintxe bertan prestatzeko.
Eusko Jaurlaritzako Berdintasun, Justizia eta Gizarte Politika Departamentua eta Laudioko Udalarekin lankidetzan, lau formazio tailer dituen zikloa antolatu da, online, 45 eta 55 urte arteko pertsonentzat.
Inteligentzia emozionala eta aurre hartzen duena komunikatibo eta analitikoarekin uztartuz, aldaketei eta ziurgabetasunei aurre egiteko beharrezko konpetentziak sortzean datza, jasotzen dugun informazioa kudeatu eta arazoen konponketan aurreratzeko. Horrekin guztiarekin, pertsona desberdinen arteko lankidetza harremanen sorrera sustatuko da eta, finean, komunitatearen eraikuntza.
Lau tailerrek egutegi eta gai hauek dituzte:
- Azaroak 20: Trantsizio gaitasuna, bizitza mapak eta iraganen diseinua.
- Azaroak 24: Etorkizunen mapa.
- Azaroak 27: Mapa sozialak eta ekimenen diseinua.
- Abenduak 2: Ekimenen prototipoak egitea.
