Cancionero vasco

TEXTO ORIGINAL

1.Biziaren primaderan harmetara joaitea
Zorigaitzik dorpheena zitzautan jasaitea:
Desertatuz uste nuen hobeki izaitea;
Pentsamendu zoroa, hik egin nau kan kaltea ?

2.Buru-kolpe itsua, hik egun batzuen gatik
Sekulako zertako nauk galarazi herritik,
Aita ama haurrid.eta adichkiden artetik ?
Gehiago othe naitek ikhusiren bizirik ?

3.Gaizkirik den gutiena egin gabe nehori,
Gaichtaginik handiena naizela dut iduri.
Zer malhura, gehiago etzautala zilhegi
Agur baten erraitea nere sor-lekhuari !

4.Nere baitan gozo onik orai ez da sekulan,
Bihotzeko har batekin izpiritua alhan,
Ametsetan ere bethi mugarrien ikharan,
Bethi beldur aintzinegi zangoa sar dezadan !

5.Gauaz eta egunaz dut begien aitzinean
Sor-etchola nere hura larrain bichkar batean.
Bichta-bichtan hantche dago ithurri bat aldean
Oh ! nik nuen zoriona han bizi nintzenean !

6.Non zaituztet, mendi urdin, chirripa ithurriak,
Nere bethi, ahuntz eta ardi bizkar guriak;
Non lehengo nere bide, chingola iduriak,
Amets histu bat neretzat zaretenak guziak ?

7.Besta egun herrikoan nere gazte lagunak
Chirola joz, badohantzi kantuz plazara denak:
Gaur pilotan, bihar dantzan hekien atseginak.
Ni, hetarik urrundua, zer nere bihotz minak !

8.Oh ezkila ! hi neretzat lehenik jo huena,
Hik orobat joko bahu nere azken orena !
Hire itzalean nian bizirik urosena,
Aditzean mendi hetan hire hats-beherena.

9.Nere ama orai urrun kausitzen dut niganik:
Gehiago ez dut hemen haren begitarterik.
Nihor, ez adichkide bat nitaz artha duenik;
Nihor, nere oinazetan kontsolatzen nauenik.

10.Hemen jende arrotzetan ni hiltzen naizenean,
Bihotz minik gabe naute ezarriren lur-pean.
Nork daut gero, noiz edo noiz, orhoitzapen batean,
Loretto bat pausaturen nere tomba gainean ?

11.Bozkarioz bizitzera, ukaturik herria,
Desterrurat bertze behin ez nindake abia.
Bai ondikotz ! Kiratsa zait desterruko ogia !
Hemen ezin bertzean dut higaturen bizia !

12.Ur-chirripa ez da galtzen nihoiz bere ohetik,
Ez eta ere, harroka, sarthua den menditik.
Hek bezala sor-lekuaz amodio izanik
Zuhur denak kanta beza bethi bere herritik."