Cancionero vasco

TEXTO ORIGINAL

1.Ez da Gernikan
negarra baizikan;
-Herria sutan-
Egazkiñek askotan
bonbaz dute josi;
jendea igesi.
-Herria sutan-.

2.Nazi doixtarrak
eta franco-tarrak,
-Herria sutan-
Arratsaldez bostetan
dena dute erre,
errukirik gabe.
-Herria sutan-.

3.Su ta garrak,
inpernuko indarrak,
-Herria sutan-
Gernika ilunpetan
digute estali,
bizia itzali.
-Herria sutan-.

4.Bonba-txistua,
heriotz gaixtua,
-Herria sutan-
etxeko ateetan
indarrez da sartu,
bihotzak urratu.
-Herria sutan-.

5.Emaztem aurrak,
ta hauen negarrak.
-Herria sutan-
oiñaza odoletan
zoraturik dabiltz,
karrasi ta antsiz.
-Herria sutan-.

6.Gizon, abere,
ferian han daude.
-Herrian sutan-
Hauetxen bizkarretan
lertu dute bonba.
Justizia non da?
-Herria sutan-.

7.Franco zitalak,
egiñik ahalak,
-Herria sutan-
""Gorriak"" gezurretan
zituen salatu,
lotsa denak galdu.
-Herria sutan-.

8.Pablo Picasso
minbera da oso,
-Herria sutan-
Gernikaren penetan
indarra du hartu,
triskantza margoztu.
-Herria sutan-.

9.Urruti lehen,
oraingoz Madrilen,
-Herria sutan-
Prado-ko saloietan
jarri dute. Horra!
bigarren zigorra!
-Herria zutan-.

10.Hor herriz-herri
dabil penagarri,
-Herria sutan-
arrotz-atzaparretan
Ohialak ikara;
Betor Gernikara!
-Herria sutan-.

11.Piztu bihotzak
eta esperantzak,
-Herria sutan-
Esna gaiten benetan
Euskaldun guztiak,
zahar ta gaztiak.
-Herria sutan-.

12.Euskadi zahar
hor dabil su ta gar.
-Herria sutan-
Arbolaren oiñetan
baturik gabiltzan,
zutik iraun dezan.
-Herriak zutan-."