Patxi Juaristi / Ana Urkiza
2024-03-18
Eusko Ikaskuntzaren XIX. Kongresua
Eusko Ikaskuntzako lehendakari Ana Urkiza eta XIX. Kongresuko lehendakari Patxi Juaristi kameren aurrean aritu dira.
Elkarrizketan, ekitaldiaren arduradun nagusiek Eusko Ikaskuntzaren misioaren testuinguruan kokatzen dute Biltzarra. 1918an Oñatin egin zen Eusko Ikaskuntzaren I. Kongresuaren emaitza izan zen Eusko Ikaskuntza eta orduz geroztik une historiko bakoitzeko euskal munduaren gizarte- eta kultura-erronkei erantzuna ematera bideratuta daude biltzarrak.
Urriaren 2tik 4ra Gasteizen “Elkartzen Gaituena / Lo que nos une / Ce qui nous rassemble” lemapean egingo den XIX. Kongresuko programaren xehetasunei dagokienez, Ana Urkizak eta Patxi Juaristik haien helburuak, jorratuko diren gaiak eta hartzaileak aztertuko dituzte. Era berean, XIX. Kongresuko gogoeten ardatzean egongo den ideia azpimarratzen dute: gizarte- eta lurralde-kohesiorako herri itun baten beharra.
