Bekak Lesakan

Eusko Ikaskuntzak eta Lesakako Udalak bertako musika osoa biltzeko deituriko beka Javier Etxeberria Manterolari esleitu zaio. Donostiako Kontserbatorioan prestatua izanik, Klarinete eta saxofoi irakasle hau Lesakako Udal Musika Eskolako zuzendaria da 1995etik. Bere proposamenean metodologia zehatza aurkeztu zuen: kontsultak artxibo eta fondo publikoetan zein pribatuetan, elkarrizketak musikagileei edo horien ondorengoei, zuzenean egindako grabazioak eta horiek guztiak datu basean biltzea.