Eusko Ikaskuntzak 44 saio animatu ditu euskal irrati publikoko bi irratietan amaitzear den urtean zehar.
Euskadi Irratiko “Amarauna” programan, hilean behin Irati Azkue esatariaren eskutik, Eusko Ikaskuntzak bere ikerketa-jarduerak, sariak eta jardunaldiak aurkeztu ditu, eta horretarako bazkide, protagonista eta parte-hartzaileen ahotsak izan ditu.
Radio Euskadin Juan Aguirre Sorondo bazkidea da gidari eta 35 saio emititu dira; hamabostean behin egiten dira, arratsaldeko magazina, “Kultura.eus”, eta “La mecánica del caracol”, aste batean bat eta hurrengoan bestea. Lehenengoak gizartearen jarduera-agendari lotuago dauden edukiak ditu, eta bigarrenean, euskal uhinetan ospe handia duen zientzia-, teknologia- eta historia-programaren ezaugarrietara egokitzen da. Kasu guztietan, Eusko Ikaskuntzaren barne-lana eta bertako kideen ikerketa-, dibulgazio- eta irakaskuntza-ekoizpena sustatzea da helburua.
