`Los años oscuros. El nacionalismo vasco en la posguerra, 1937-1946´ izena du Jean-Claude Larronde bazkideak Iñaki Anasagasti eta Koldo San Sebastiánekin batera argitaratu berri duen liburuak.
Memoria historikoa berreskuratzeko ariketa boteretsu bat egiten da, lau etapatan: Gerra Zibilaren bukaerara arte; 1940ko ekainera arte, Europa kontinental ia guztia nazi-faszismoak okupatuta geratu zen arte; hirugarren fase bat barrualdeko eszenatoki hirukoitzan, Amerika eta Frantzia okupatuan, eta laugarren etapa bat, 1946ra arte, erbestean Eusko Jaurlaritza berrantolatu zenekoa. Liburuaren edizioa argazki album batekin dator.