Ekainaren 16an hil zen Fermin Leizaola Calvo, 1978tik Eusko Ikaskuntzako bazkide eta 2017ko Manuel Lekuona Saria.
Etnografoa, Ondare Materialean aditua, 1958an Aranzadi Zientzia Elkarteko Historiaurreko sailean sartu zen, eta espeleologia landu zuen. Geroago gogoratuko zuenez, orduan konturatu zen barrunbeak esploratzea ez zela desagertzeko zorian zeuden artzain, abeltzain eta baserritarren bizimoduak ikertzea bezain presazkoa.
1965etik aurrera antropologia kulturalari, kultura materialari, artzain bizitzari eta transhumantziari, arkitektura tradizionalari, ondareari eta museoei buruzko artikulu ugari argitaratu zituen. 1975ean Jose Miguel de Barandiaran I. Ikerketa Saria eskuratu zuen “Artzaingoa Euskalerrian Gaur Egun” lanagatik (Euskalerriko artzaiak izenburuarekin argitaratu zena).
Hirurogeita hamarreko hamarkadaren amaieran Euskalerriko Atlas Etnografikoa proiektua diseinatu zuen, eta euskal geografian zehar euskararen aldaera dialektalak jaso eta aztertu zituen lantaldea koordinatu eta zuzendu zuen.
Gipuzkoako Foru Aldundiko funts etnografikoak hornitu eta antolatzeko helburuarekin, 1989 eta 2004 artean Zaharkiñak proiektuaren buru izan zen. 2009an, Foru Aldundiak I. Ondare Saria eman zion. Urte horretan bertan, Aranzadi Zientzia Elkarteak Urrezko Intsignia eman zion, Etnografia Saila urte askoan zuzendu zuenak.
Landa-lana egin duen ikerlari bati esker ona
Fermín Leizaola Calvo. Aitzpea Leizaola Egaña
