Manuel Lekuona Sariak Euskal Komunitate Globalarentzat ibilbide garrantzitsuak saritzen ditu 1983tik.
Aurtengo ediziorako hautagaitzak aurkezteko epea irailaren 21ean itxi da.
Balorazio-irizpideak honako hauek izango dira: balio unibertsala, bizi-ibilbidea, Euskal Kulturarekiko ekarpena eta konpromisoa, obraren zabalkundea, eta unibertsitate-eremuari lotuta ez dagoen ibilbidea.
Hautagaitzak aurkezteko epea itxi eta balioztatu ondoren, urriaren 13tik 19ra bozkatuko da Eusko Ikaskuntzaren webgunearen bidez.
Botoen azken zenbaketa ehuneko hauen arabera haztatuko da: Eusko Ikaskuntzako bazkideek, %30; Euskal Komunitate Globalak, %10; eta Eusko Ikaskuntzako Lehendakaritza eta erreferentziazko erakundeen ordezkariek osatutako Epaimahai Instituzionalak, %60.
Erabakia urrian zehar jakinaraziko da.
