Euskal kantutegia

BEREZKO TESTUA

1. Joles da joles, etxekuak,
Nik jotzen dizut atia.
Nik jotzen dizut atia,
Konsole dedin jendia.
-Santa Martiri maitia
Dago errukiz bedia;
Berak alkanzatuko digula
Osasuna ta bakia.

2. Libertaria eskatzen diot
Etxeko prinzipalari
Santa Agedaren alabantzak
Kantatutzera nua ni
-Santa Martiri maitia...

3. Alkate jaunaz egondu giñan
Atzoko arratsaldian;
Libertaria gerekin degu
Ibiltzeko pakian
-Santa Martiri maitia...

4. Nork esango du zer pasa zuan
Munduan Santa Agedak;
Lendabiziko azotatua,
Kendu zioten bularra
-Santa Martiri maitia...

5. Gorrotuaren indarra,
Jentillen biotz gogorra!
Istant batian istaldu zaion
Gorputz guzia odola.
-Santa Martiri maitia...

6. San Pedro berak kuratu zion
Santa oni gorputz guztia.
Zeruetatik jetxi zitzaion
Jaungoikuaren argia.
-Santa Martiri maitia...

7. Lurrikara bat egin zan eta
Ikara orren puntuan
Borrero oyen lagun bi
Azpian artu zituan.
-Santa Martiri maitia ...

8. Soruan dago boldia (goldia)
Soñian kapa moria.
Etxe ontako nagusi jauna
Ondo gizontxo noblia.
-Santa Martiri maitia...

9. Etxeko andria zabala,
Etxe oneko alaba;
Ortxe birian esan digute (bidian)
Limosna-gine zedala. (zerala)
-Santa Martiri maitia...

10. Ortxe goyan dago iturri,
Ura txorrotik etorri;
Etxe ontako zaldun gaztiak
Amalau urre-txintxarri.
-Santa Martiri maitia...

11. Amalau urre-txintxarrekin
Zazpi damaren eguzki;
Oyek guziok ala izanik,
Geyago ditu merezi.
-Santa Martiri maitia...

12. Arantza beltza ostrua txiki
Puntara zaigu loratu;
Orain emetik biar genduke
Dama gaztia koplatu.
-Santa Martiri maitia...

13. Damatxo gazte konpuntua,
Ori kolore gorriak!
Zure matrallak idurutzen zat
Krabeliñaren orriak.
-Santa Martiri maitia...

14. Krabeliñaren orriarekin
Larrosa mariatzekua; (mayatzekua)
Zuri begida ementxe gaude (begira)
Damatxo biotzekua.
-Santa Martiri maitia...

15. Sentitzen zaitut, sentitzen,
Zelan zeraren jaikitzen,
Sala soruko zapata-otsak
Emen ditut aditzen.
-Santa Martiri maitia...

16. Sakua bere luzia degun,
Matxinkalañak egiña,
Etxe onetan izango al da
Au betetzeko lagiña.
-Santa Martiri maitia...

17. Tolosatikan goraxiago
Erri txiki bat Irune;
Besterikan ezpaldin badago,
Igual dela dirue.
-Santa Martiri maitia...

18. Zibili eta zabala,
Urdaya azpiku ona da;
Zibili eta zabala datxo
Iru lokainka ondotxo.
-Santa Martiri maitia...

19. Alper alperrik ibilliko zera
Zayaskiari kendutzeko;
Salomotxua lukainkatxua
Besterik eztegu artzen.
-Santa Martiri maitia...

20. Orain adios egiten dut,
Sante onekin batian;
Urte ontto bat pasa dezaten
Osasinaz ta bakian.
-Santa Martiri maitia...

21. Kandelerio lerio,
Aitzari ura dario.
Oraiñ emekua egin degu ta
Beste bat arte: adio.
-Santa Martiri maitia...

22. Kakoan dago uztarri
Magoitik etorri;
Etxe onetako nagusi jaunari
Puskar bi........
-Santa Martiri maitia..."