2025/11/03
Bilbo. Itsasmuseum
Sinposio hau Eusko Ikaskuntzaren ekimen bat da, Eusko Jaurlaritzako Ongizate, Gazteria eta Erronka Demografikoaren Sailarekin lankidetzan, gure garaiko erronka handi baten inguruan hausnarketa eta elkarrizketarako gune bat ireki nahi duena: belaunaldien arteko elkartasuna.
Belaunaldien arteko harremana ez da inoiz estatikoa izan. Familia-loturez, konpromiso kolektiboez, erantzukizun partekatuez eta metatutako zorrez egina dago. Hamarkada askotan, euskal gizarteak ziurtzat jo zuen belaunaldi bakoitza aurrekoa baino baldintza hobeetan biziko zela. Hala ere, zahartze demografikoak, gazteen prekarietateak, klima aldaketak eta ongizate sistemen gaineko presioak markatutako ziurgabetasun testuinguru batean, galdera kezkagarri bat sortzen da: belaunaldi berriek aukera eta eskubide gehiago izango dituzte etorkizunean, ala baliabide gutxiago eta karga handiagoak izango dituzte?
Belaunaldien arteko Elkartasunari buruzko Sinposioak ikuspegi pluraletik erantzun nahi die galdera horiei. Mundu akademikoko adituak, erakundeetako ordezkariak eta gizarte zibileko eragileak bilduko ditu, gazteen, adinekoen eta oraindik etortzeke daudenen arteko ekitatea eta lankidetza indartuko duten proposamenak eztabaidatzeko, diagnostikoak kontrastatzeko eta aztertzeko.
Belaunaldien arteko konfrontazioa saihestuz, haien ekarpenak, erantzukizunak eta erronka espezifikoak aitortzea da helburua, etorkizuneko ikuspegi partekatua eraikitzeko. Topaketak, azken batean, eztabaida lasaia eta eraikitzailea ireki nahi du, zubiak eraiki, adostasunak sortu eta erantzunkidetasun sozialeko formula berritzaileak diseinatu ahal izateko.
Entzuteko, hausnartzeko eta, batez ere, gizarte kohesionatu eta bidezko baterantz aurrera egiteko gune bat, transmititutako ondarea egungo eta etorkizuneko belaunaldientzat duina eta jasangarria izango dena.
09:30
Harrera
10:00
Irekiera eta saioaren aurkezpena (eu-es)
Ana URKIZA. Eusko Ikaskuntza
Nerea MELGOSA. Eusko Jaurlaritza
10:15
Nola babestu etorkizuneko belaunaldiak (en)
Jan VAN DE VENIS. Dutch Lab for Future Generations
11:00
Kafea
11:30
Etorkizuneko iruditeriak: utopia, krisi eta erantzukizunaren artean (es)
Carles FEIXA. Universitat Pompeu Fabra
12:10
Espazio elkarbanatuen bila (es)
Elena DEL BARRIO. Matia Fundazioa
13:00
Belaunaldien arteko mahaia (eu-es)
14:00
Bazkaria
15:00
Erakundeen mahaia (eu-es-en)
15:45
Igogailu soziala eta belaunaldien arteko mugikortasuna (es)
Javier SORIA ESPÍN. Laboratorio de Oportunidades
16:30
Eguneko ondorioak (eu-es)
16:45
Itxiera
 | |
| Ramón de la Sota Kaia, 1, Abando - 48013 Bilbo (Bizkaia). | |
.png){kind=logo}
