Urtarrilaren 28an, larunbata, 11:30etan, Eusko Ikaskuntzak, Donibane Lohizuneko Hiriarekin partaidetzan, Eusko Ikaskuntza-Donibane Lohitzuneko Musika Sariak banatu ditu.
2019an Eusko Ikaskuntzak eta Donibane Lohizuneko hiriak beren konpromisoa berritu zuten eta hitzarmen berri bat sinatu zuten, besteak beste, Eusko Ikaskuntzak Donibane Lohizuneko hiriarekin elkarlanean zientzia eta kultur ekitaldiak antolatzeko eta gauzatzeko parte har zezan.
Hitzarmen horren baitan, Donibane Lohizuneko Hiriak eta Eusko Ikaskuntzak sari berri bi sortu dituzte, bi erakundeek musika sorkuntzarekin duten atxikimendua balioan jartzeko. Beraz, bi sari sortu dira eskualdeko musika arloko hainbat eragilerekin egin zen gogoeta baten ondotik:
- Ohorezko saria: helburua bere ibilbidean zehar musika eta kultura ezagutzen eta defendatzen lagundu duen pertsonalitate edo pertsona talde baten ibilbide eredugarria saritzea da.
- Gazte saria: pertsona edo talde gazte baten ibilbidea baloratzea du helburu, eta musikaren inguruan egiten dituzten edo duen lanekin jarraitzeko aukera ematea.
Saritutako pertsonak, batetik, Mixel Etxekopar Ohorezko Sariarekin, eta Marina Beheretche Gazte Saria eskuratutakoa, aitortza jaso zuten urtarrilaren 28an Donibane Lohizuneko Herriko Etxeko gelan.
Mixel Etxekopar
Michel Etchecopar 1963an sortu da, Gotaine-Irabarneko (Xiberoa) Agerregarai etxaldean. Familiako bost haurretarik gazteena da. Eskola publikoan, Mauleko espartin lantegietan lan egitera jin etorkin portugesen haurrak ezagutu zituen. Nortasun desberdintasunen esperientzia horrek barneko izaera aldatu zion.
Aldi berean, gazte-gazterik, ingurumeneko naturarekin, Xiberoko eüskararekin bai eta dantzarekin eta musikarekin (txülüla: hiru zuloko txirula) izan zuen harreman sakonak ere eragin handia du.
Haren errientak, berantago haren aitaginarreba izanen zenak, Xiberoko dantza eta kantua irakatsi zizkion. Kolegioko denboraren hastapenean, Urdiñarbeko Erramun Tartachu haren dantza-maisu izan zen, eta denbora berean (1975-1976) txülüla edo xirula ikasten hasi zen, Mauleko Jean Copenek irakatsirik. 1977an, Michel Etchecopar Urdiñarbeko maskaradan ari izan zen, Pette bere anaiarekin, eta geroztik, musikari gisa, maskarada gehienetan parte hartu zuen. Lehen aldikotz, Gotaine-Irabarneko pastoralean parte hartu zuen, 1973an, jokalari gisa (Aingeruaren rola, 10 urte baitzituen), eta ondokoetan, xirulari eta gero koru zuzendari gisa (1993tik goiti).
1990ean, Michel Etchecopar Gotaine-Irabarneko Xiru festibalaren abiarazleetarik izan zen, 1994an, Abotia kultur elkartearen sortzaileetarik, eta 2004an, Hebentik artista kolektiboaren sustatzaileetarik.
Gaur, xiberotar dantza eta kantu ohitura berrien eta aspaldikoen bilaketan aritzen da. Abiarazi dituen sorkuntza guziek hori erakusten dute. Irakaskuntzaren bidez (bereziki kantua eta xirula), ondare immaterial horren transmisioari ere leku handia ematen dio.
Marina Beheretche
Hemeretzi urte dituen geroztik, Marina Beheretchek, bata bestaren ondotik, kosolista karguak bete ditu, Toulouseko Orchestre de Chambre-ean, lehen biolinekoa Arranoa Laukotearen baitan, eta 2015az geroztik, Euskal Herriko Orkestra Sinfonikoko biolin bakarlaria da.
Frantzian, Suitzan, Belgikan, Marokon, Sardinian, Eslovakian, Espainian… Pierre Bleuse orkestra zuzendaria, Gauthier Capuçon biolontxelo jotzailea, Debussy laukotea, Anne Queffelec piano jotzailea, bezalako musikari handiekin agertokia partekatu du.
Bere diskografiak dozenaka grabazio ditu, askotan kritikak goraipatuak (Diapason, Resmusica, Classica). Ganbera musikaz maitemindua, Ezekiel kolektiboaren sortzaileetako bat da. Duela urte asko ari dela proiektu ugari aurkezten: "Soinuaren dohaintza", "Zure etxera joango naiz jolastera", "Lau Sasuak" (2016an kaleratutako diskoa), "Aztarnak" (2022an kaleratutako diskoa).
Partekatze eta eklektizismo zaletasunak artista ezberdinekin kolaboratzera eramaten du hala nola Rüdiger rockeroa, Mixel Etxekopar flauten birtuosista edo Arantxa Lannes dantzari eta margolaria. Belaunaldi gaztearekin buru-belarri aritua, Marinak Euskal Herriko Maurice Ravel kontserbatorioan irakasten du. Duela gutxi, "Biolin atomikoak" taldea sortu du bere lankidearekin Delphine Labandibar, maila guzietako biolinista ikasleak biltzen gaur egungoa errepertorio oso baten inguruan. "Bazen behin" lehen ikusgarriak arrakasta handia izan zuen ikusleen artean 2022ko abenduan.
