Juan José Goiriena de Gandarias zendu da, 1997 eta 2002 bitartean Eusko Ikaskuntzaren lehendakari izandakoa

Berri korporatiboak

2020/09/01

Juan José Goiriena de Gandarias zendu da, 1997 eta 2002 bitartean Eusko Ikaskuntzaren lehendakari izandakoa

Juan José Goiriena de Gandarias, Eusko Ikaskuntzako Presidentea 1997 eta 2002 bitartean, abuztuaren 31n hil zen.

Gasteizen jaio zen 1947an, medikuntza eta kirurgia ikasi zituen Salamancako Unibertsitatean, eta Bilboko Unibertsitatean doktoratu zen 1973an. Oviedo eta Murtziako unibertsitateetan aritu zen irakaskuntzan eta ikerkuntzan, eta Euskal Herriko Unibertsitateko katedraduna eta errektorea izan zen (1991-1996). Eusko Jaurlaritzako Osasun eta Kontsumo sailburuordea (1984-1987), Bilboko Medikuntza Zientzien Akademia, Euskal Herriko Medikuntza Errege Akademia, Europako Zientzia eta Arteen Akademia eta Jakiundeko kidea zen.

Bere agintaldian, Eusko Ikaskuntzak hedapen handia izan zuen, sarean euskal zientzia eta kultura edukien sorreran aitzindari eta lider gisa izan zen. 1997an, Eusko Ikaskuntzaren XIV. Kongresuak Informazioaren Gizarteari buruzko gogoeta egin zuen, eta gai hori Donostian 2001ean egindako hurrengoan sakondu zen.

Dokumentu-funtsak, argazki-artxiboak eta argitalpenak katalogatu eta digitalizatuz, Eusko Ikaskuntza ikertzaileen, ikasleen eta, oro har, herritarren eskura jarri zuen ondare-balioa, balio historikoa eta soziala zuen informazio-bolumen aparta. Europeanan, Europako liburutegi digitalean, sartu zen lehen online euskal liburutegi handia sortu zen. Eta 1998an Euskonews argitaratzen hasi zen, zientzia, kultura eta gizarteari buruzko Euskal Herriko lehen aldizkari elektronikoa. Era berean, Internet bidez hezkuntza-programak ematen hasi ziren.

Juanjo Goiriena de Gandariasek Eusko Ikaskuntzako bazkideen estimua irabazi zuen, kezka intelektual eta humanista sakonak dituen zientzia gizon gisa.

Goian bego.

Partekatu
Facebook Twitter Google Whatsapp