Euskal curriculumari buruz eztabaidatuko da EHUko Udako Ikastaroen barruan, uztailaren 19an, Baionan.
“Hezkuntza etorkizuneko jendartea kohesionatzeko tresna: euskal curriculumaren ber-irudikatzea” izenburupean, mugaz gaindiko ikastaro hau Eusko Ikaskuntzak duela bi urtetik abian duen hezkuntzari buruzko hausnarketa-prozesuaren barruan sartzen da.
Euskarak eta euskal kulturak hezkuntzan duten transmisioarekin, gogoeten ardatz gisa, euskal curriculuma Euskal Herria kohesionatu eta suspertzeko tresna gisa nola birbideratu aztertuko da ikastaroan.
Lau helburu ditu:
- Gaur egungo eta etorkizuneko Euskal Herrirako euskal curriculuma birdefinitzea, lurralde-kohesiorako tresna gisa dituen ahalmenak aztertuz.
- Euskal curriculumaren birordezkaritza aztertzea, bere dimentsio zabalenean (Derrigorrezko Hezkuntza, Lanbide Heziketa, Unibertsitatea).
- Mugaz gaindiko lankidetzari eta lurralde kohesioari dagokionez, Euskal Herrian gaur egun eta etorkizunean izan daitezkeen egituraketei helduko zaie.
- Adituen ekarpenak jasotzea gure esparruko hezkuntzarekin zerikusia duten funtsezko alderdietan, eta haien proposamenak ezagutzea.
Mugaz Gaindiko Udako Ikastaroa Baionako Arte Hirian egingo da uztailaren 19an, asteazkenarekin, goizeko saioan. Doakoa da eta euskara izango da ikastaroaren hizkuntza ofiziala.
Ikusi egitaraua.
