Euskal kantutegia

BEREZKO TESTUA

I.Ama ezkondu; ama, ezkondu, gaztea naizenartean.
-Neska, ago isilikan, etzion ogirik etxean.
-Galburutxo bi gorde nituen garia genduenean,
eun anega atera nizkan irriarra batean:
Urra labirun labirun pena garia genduenean,
Urra labirun labirun pena irriarra batean.

II.-Ama ezkondu; ama, ezkondu, gaztea naizenartean.
-Neska, ago isilikan, etzion ardorik etxean.
-Masmordotxo bi gorde nituen matsa genduenean,
eun karga atera nizkan estutu-aldi batean:
Urra labirun labirun pena estutu-aldi batean,
urra labirun labirun pena matsa genduenean.

III.-Ama ezkondu; ama, ezkondu, gaztea naizenartean.
-Neska, ago isilikan, etzion aragirik etxean.
-Bein batean jarri nintzan josten labe-gainean,
txantxangorri bat etorri eta eseri aldamenean,
jaurti nion titara eta ausi nion bernea,
eun erralde pisatu zuen aren bularraldeak:
Urra labirun labirun pena estutu-aldi batean,
urra labirun labirun pena eseri aldamenean."