Euskal kantutegia
- Berezko izenburua
- HEGAZTIENTZAT PAUSARRI
- Testu normalizatua
- HEGAZTIENTZAT PAUSARRI
- Kantutegia
- Oiartzungo kantutegia bertako herri memoriatik
- Argitalpenaren urtea
- 1999
- Argitaletxea
- OIARTZUNGO UDALA. KULTURA BATZORDEA (MUGARRI)
- Argitalpen tokia
- DONOSTIA
- Jasotako tokia
- OIARTZUN
- Biltzailea
- LEKUONA, JUAN MARI
BEREZKO TESTUA
1.Hegaztientzat pausarri,arrainentzako uharri,
hegaztientzat pausarri;
ai ninduke lur maiteak
zerbaitetan lagungarri.
2.Maite dut eta banabil
maitea nola zerbitu;
urteak zehar lora ta
-maite dut eta banabil-
ipuinak dizkiot bildu.
3.Giroak landu egurrik
ekarri diot menditik;
uren oldeak luzaro
mizkatu hibai-harririk,
giroak landu egurrik.
4.Nekatzeraino ihardun dut
atsegin eta dolore;
nekatzeraino ihardun dut,
ukabilak erabili
ditut maitearen alde.
5.Maitearen amorez naiz
aritu kalerik kale,
herriaren amorez naiz;
jadetsi diot hiriko
zenbait oroigailu ere.
6.Badakit aski ez dena,
besterik behar duena,
badakit huskeri dena;
semearen falta baita
nire maitearen pena.
7.Bihotzean haurra eta
haurrik esnatu ezina;
bihotzean haurra eta,
gizalditakoa dela
Euskal Herriaren mina."