Olatz Egiguren hezkuntzari buruzko hainbat plataformatako kideak erantzun dio hil honetan Urteko Galderari.
Hausnarketa hasteko, gizarte-ereduaren eta hezkuntza-ereduaren artean elkarrekiko mendekotasuna dagoela adierazi zuen, eta horregatik da garrantzitsua etorkizuneko gizartea eraikitzeko. Autorea euskal hezkuntza-eredu feminista, hiritarra eta subiranoaren alde agertzen da; hezkuntza-sistema publiko-komunitarioa, deszentralizatua eta modu bateratuan kudeatua; elkarbizitzarako eta elkarlanerako ikaskuntza eta hezkuntza konpetentzia baino gehiago sustatuko dituena; eta trantsizio ekologikoarekin konprometitua, zibilizazio-erronka handienetako bat.
Olatz Egigurenek gogorarazten du iraganean herriak erronka handiak gainditu dituela, eta, era berean, orain, Euskal Hezkuntza Sistema subiranoaren eta sare bakarraren inguruan gizarte-adostasun berri bat eraikiz egin dezakeela.
