Agenda

Foroak eta Mintegiak

GizarteLAB: Hernialdetarrak herria-ehuntzen

Jarduera honek Hernialdeko bizilagunen arteko loturak sortzea, errotzea, indartzea eta herritarren komunitatea eraikitzea du helburu.

Eusko Ikaskuntzak diseinatutako GizarteLAB gizarte-berrikuntzako metodologia aplikatuz, herritarrak kontzientziatuko dituzte sare komunitarioen garrantziaz, esperientzia-ikaskuntzaz eta belaunaldi-errelebo baten beharraz.

Programak bi orduko iraupena izango duten lau tailerrekin egituratu da: azaroak 18, 25 eta abenduak 2, 9.  

1. Tailerra. Azaroak 18: Testuingurua eta joerak; herri txikien etorkizuneko proiekzioa; belaunartekotasunaren premia. Zer nolako Hernialde nahi dugu?
2. Tailerra. Azaroak 25: Gizarte-pertzepzioa, estereotipoak eta aurreiritziak; eskemak apurtzen. Bizitzan zehar garatutako gaitasunak (komunitatearekin lotura).
3. Tailerra. Abenduak 02: Pertsonak eta komunitatea; entzute-aktiboa eta enpatia. Errotzearen garrantzia eta esanahia.
4. Tailerra. Abenduak 09: Esperientzi espazio eta ekimen saregileen diseinua; komunitate ekintzaile eta eraldatzaileak. Elkar-zaintzarako ekosistema.