Zer esan nahi du irakasle izateak Euskal Hezkuntza Sisteman?

2025/11/08

Gasteiz. Europa Jauregia

Euskararen eta euskal kulturaren transmisioa eta biziberritzea helburu dituen hezkuntza-sistemak erronka handiak ditu. Horrek galdera nagusi bat planteatzera garamatza: Zer esan nahi du irakasle izateak Euskal Hezkuntza Sisteman?

Eusko Jaurlaritzako Hezkuntza Sailarekin batera antolatzen dugun foro honek, irakasle izate horrek izan beharko lituzkeen ezaugarriak eta horren garapena nola sustatu dezakegun elkarrekin irudikatzeko aukera eskaintzen du.

Partekatu:

Sarrera

Foro hau Eusko Ikaskuntza eta Eusko Jaurlaritzako Hezkuntza Sailaren arteko lankidetza markoan kokatzen den ekimena da. Lankidetza marko honek hezkuntza sistemak aurrean dituen erronkei erantzuteko bide partekatuetan sakontzea du helburu.

Ezarri ziren lehentasunen artean, irakaslearen lanbidearen garapenak gordetzen dituen erronkak, dimentsioak eta esanahiak aztertzeko gogoeta-gune bat irekitzea izan zen, etorkizuneko aukerak eta bideak elkarrekin irudikatzeko.

2024an egindako jardunaldian, “Irakaslea aldaketa eragile gisa” izenburupean, gaia lantzeari ekin genion. Orduan, irakaslearen rolaren bilakaeraren esanahia eta rol hori nola garatu daitekeen izan genuen ardatz.

Oraingo gogoeta foro honetan, gaiari beste dimentsio batetik begiratuko diogu, gogoetan sakontzen jarraitzeko asmoz.

Helburua

Euskararen eta euskal kulturaren transmisioa eta biziberritzea helburu dituen hezkuntza-sistemak, erronka handiak ditu kulturartekotasunaren eta euskalduntzearen testuinguruan. Horrek, galdera nagusi bat planteatzera garamatza: Zer esan nahi du irakasle izateak euskal hezkuntza sisteman?

Foro honen helburua da irakasle izate horrek izan beharko lituzkeen ezaugarriak eta horren garapena nola sustatu dezakegun elkarrekin irudikatzea.

Metodologia

Irakasle-lanbidearen garapena hainbat faktorerekin lotzen da: ezagutza, ezaugarri pertsonalak, harreman profesionalak, ikastetxeko kultura, komunitatearekiko lotura, besteak beste.

Begirada kokatzen laguntzeko eta agertuko zaizkigun galderei erantzuteko, irakasleen formakuntzaren hiru fase nagusi hartu ditugu gogoetarako aterki gisa: Hasierako formakuntza, laneratze-fasea, etengabeko prestakuntza.

Fase hauek gordetzen duten helburuek aukera emango digute ikuspegi desberdinetatik hurbilketa egiteko:

Hasierako formakuntza: irakasle-lanaren eraikuntzak dakartzan erronkak ulertzea.
Ikastetxearen kultura eta komunitatearekiko harremanak: testuinguruarekin elkarlotzea eta kulturaren ezaugarriei begiratzea.
Etengabeko prestakuntza: irakasle-lanbidearen garapena banakako zein taldeko prozesu gisa ulertzea, jarduera etengabe hobetzeko eta eguneratzeko.

Gogoeta horiek praktikan jartzeko, foroak bi espazio nagusi izango ditu:

Mahai-ingurua: Hiru begirada osagarri landuko dira.

Ikuspegi teoriko-kritikoa: Formakuntzak irakasle-lanaren eraikuntzan dituen erronkak aztertuko dira, teoria eta ikerketa kritikoa uztartuz. Bi ikerlari eta irakasle izango ditugu solasean (EHU eta HUHEZI).
Ikastetxearen kultura: Esperientzia konkretu baten eskutik, ikastetxeko kulturak irakaslearen eguneroko jardunean duen eragina aztertuko da, pertsona eta testuinguruaren arteko loturak aztertuz.
Irakaslearen ahotsa: Irakasle baten esperientzia pertsonaletik abiatuta, bizipenak eta ahots subjektiboak partekatuko dira.

Gogoeta parte-hartzailea: Talde txikietan bilduta, mahai-inguruan landutako ideiak sakondu eta bizipenetatik elkarrekin hausnartzeko aukera emango du. Parte-hartzaileek euren ekarpenak eta proposamenak elkarrekin jarriko dituzte, etorkizuneko bideak irudikatzeko asmoz.

OHARRAK

Ariketa eta dinamikaren xehetasunak aldez aurretik jakinaraziko dira parte-hartzaileei.
Jardunaldia euskaraz burutuko da; behar diren euskarriak eskainiko dira hizkuntza-eskakizunei erantzuteko.
Parte-hartzea aurrez aurrekoa izango da, eta aldez aurretik izena ematea beharrezkoa izango da.

Egitaraua

09:00

Harrera

9:30

Irekiera eta foroaren aurkezpena

Begoña PEDROSA. Eusko Jaurlaritza (eu)
Beatriz AKIZU. Eusko Ikaskuntza (eu)

9:45

Mahai-ingurua: Gogoetaren kokapena

Ikuspegi teoriko-kritikoa. Solasa
Maialen OIARTZUN. EHU
Letizia GARCIA. HUHEZI
Ikastetxearen kultura eta irakaslearen ahotsa
Maite ANTXUSTEGI. Anaitasuna ikastola – Ongarai, Ermua. (Ikasketaburua)
Lorea GABIOLA. IES Miguel de Unamuno. BHI Gasteiz. (Zuzendaria)
Fernando BLANCO. IES Minas BHI, Barakaldo. (Hizkuntza proiektuaren arduraduna)
Kristina BERNAL ETXEBARRIA. Elgoibar Ikastola. (DBH2ko tutorea)

Moderatzailea: Ainhoa AZPIROTZ. Hik Hasi

11:00

Atsedenaldia

11:30

Gogoeta parte-hartzailea

Dinamikaren aurkezpena eta azalpena: EMUN

Talde dinamikak bukatuta, jasotako ondorioak osoko bilkuran partekatuko dira.

13:30

Itxiera eta agurra

Begoña PEDROSA. Eusko Jaurlaritza (eu)
Beatriz AKIZU. Eusko Ikaskuntza (eu)

Argazkiak

LEKUA

Europa Biltzar Jauregia


Gasteiz Etorbidea, 85, 01009 Vitoria-Gasteiz, Araba.

Erakunde antolatzaileak

Jarduera guztiak

Egin zaitez bazkide

Webgune honek cookieak erabiltzen ditu, propioak zein hirugarrenenak. Hautatu nabigatzeko nahiago duzun cookie aukera. Guztiz desaktibatzea ere hauta dezakezu. Cookie batzuk blokeatu nahi badituzu, egin klik "konfigurazioa" aukeran. "Onartzen dut" botoia sakatuz gero, aipatutako cookieak eta gure cookie politika onartzen duzula adierazten ari zara. Sakatu Irakurri gehiago lotura informazio gehiago lortzeko.

Konfiguratu

Cookieen kustomizazioa

Cookies Analytics

Webgune honek hirugarrenen cookieak erabiltzen ditu erabiltzaile kopurua zenbatzeko eta eskainitako zerbitzuari ematen zaion erabileraren neurketa eta azterketa estatistikoa egin ahal izateko. Horretarako, gure webgunean zure nabigazioa aztertu egiten da, eskaintzen ditugun produktu edo zerbitzuen eskaintza hobetze aldera, Google Anlytics cookiearen bidez.

Sare sozialetan partekatzeko cookieak

Sare sozialetan partekatzeko osagarri batzuk erabiltzen ditugu, sare sozialetan gure webguneko orri batzuk partekatu ahal izateko. Osagarri horiek cookieak jartzen dituzte, orria zenbat aldiz partekatu den ondo ikusteko.

Zer esan nahi du irakasle izateak Euskal Hezkuntza Sisteman?

Sarrera

Helburua

Metodologia

Egitaraua

Argazkiak

LEKUA

Europa Biltzar Jauregia

Erakunde antolatzaileak

Lagundu Eusko Ikaskuntza

Jarri gurekin harremanetan

Cookieen kustomizazioa

Cookies Analytics

Sare sozialetan partekatzeko cookieak