Euskal kantutegia

BEREZKO TESTUA

1. Maria Magdalena
Bere egunean,
Seda morez jantzia
Bere sonean,

2. Juan zan elizara
Zaldi urdinean;
Jarri zan belauniko
Pulpitu-pean.

3. San Juan Ebanjelistak
Meza ura ematen,
Kristo bera zeguen
Meza arri laguntzen.

4. Ama Santisima berriz
Meza ura entzuten,
Eta amabi Apostoluak
Koruan kantatzen.

5. Batzubek etxera eta
Bestiak maira;
Eta Maria Magdalena
Mairen azpira.

6 -Maria Magdalena,
Zer dezu orrela?
-Jauna, nere pekatuak
Jarri naute onela.

7.-Barkatzen dizkizut bada
Onari bezala;
Onari bezala eta
Zu Santa zerala.

8.-Aingerutxuak, artu zazute
Anima on au eskutik,
Eta eraman paraisora
Beste guztien ganetik."